2008-02-21

بأي تاريخ تفتخرون : سيدي محرز نموذجا


كرّر قاسم في ردّه نفس الاختصار إياه متحدّثا عن 1500 سنة حضارة و تمسك التونسي بها و بما تشكّلها من هويّته، و في نفس اليوم كتب فسيفساء موضوعا عن الزيتونة أف أم و انجازاتها و التفاف الشعب حولها لأنها تعلمه ما يجهله عن علمائه و رموزه و منهم سيدي محرز ابن خلف الولي الصالح.

لا أفهم كيف يمكن لعاقل أن يفخر بسفّاح مثل محرز ابن خلف و يفخر بأنه من أخرج الشيعة من توهس، و كلّنا يعلم أنه لم يخرجهم من تونس بل ذبحهم بنسائهم و أطفالهم و أبنائهم و أبادهم عن بكرة أبيهم حتّى أن المؤرخين قالوا أن الدم سال للركب في تونس لمدّة ثلاث أيام متتالية. و الشيعة لمن لا يعلم مسلمون موحدون ة لا فرق عقائدي كبير بينهم و بين السنة و لكن هي خلافات سياسية حول من أحق بتولي الخلافة، مسلمون أبادهم بنسائهم و أطفالهم، و لأسباب سياسية بعد رحيل المعز لقاهرته و انتقال مركز الدولة لمصر و انقلاب البربر عليه و تأديبهم بارسال قبائل بني هلال، الاستعمار الاستيطاني الأبرز الذي عرفته تونس و عربها نهائيا.

إن كانت الزيتونة أف أم و من يستمع إليها يفخرون بسيدي محرز سلطان المدينة فعلينا إذا أن نتوقّع أنه ثمّة من يحلم بنفس الشيئ ضد الشيعة الجدد، و ضد العلمانيين بالمرّة و ضد كل من خالفهم حتّى تستعيد هذه البلاد هويّتها التي بنيت على الدم.

كيف يمكن أن نتحدّث عن 1500 سنة حضارة لبلد يمتد تاريخه لأكثر من 3000 سنة قبل اليلاد.

قرطاج كانت أعظم امبراطوريات المتوسط و كانت مصانع السفن تبني مراكب حربية على أعلى طراز تقني وقتها، و ميناء قرطاج الحربي كان أعجوبة تقنية يسمح برفع السفن التي تزن أطنانا بما توفر من تقنيات ذلك العصر فوق سطح الماء في مخابئ وقت الحرب و حنبعل مثلا لا حصرا أنجز في سنوات قليلة ما يتم لليوم تدريسه في كليات الاستراتيجيات الحربية.

الحنايا كانت تحمل المياه من زغوان حتى راس الطابية و قد بقيت تعمل حتى آخر الدولة الحفصية، آلاف السنين تعمل و تجلب المياه، و من يومها لليوم لم نبني شيئا في تلك القيمة أو ذلك الامتياز التقني المبهر، و المسارح كانت تملأ البلاد حتى جاء حسان و قتل الكاهنة و من يومها لا مسرح و لا رسم و لا فن و لا هم يحزنزن طيلة 1400 سنة حتى عاد الروم من جديد بلغة الاخوانجية و اقصد المستعمر الفرنسي،

بأي تاريخ تفتخرون ؟ و هل تصدقون أن ما قبل الاسلام كان جاهلية و ما بعده حضارة عظيمة لم يشهد التاريخ مثلها ؟

يجب إعادة كتابة التاريخ، و إلغاء تدريس الدين في المدارس العمومية، و اعطاء تاريخ هذه البلاد حقه و اعطاء العلم، العلم الحقيقي و ليس الجهل و الخرافة حقه و تشجيع العقل النقدي و البحث و التسائل حتى لا تتخرج أجيال أخرى من الببغاوات التي تتكرر اسطوانة مملة ، ترانا في ذيل الأمم و تصر أننا أصحاب حضارة و أننا متمسكون بها، فعن أي حضارة تتكلمون

عن أي اسلام تتكلم يا قاسم و تقول باسم الشعب التونسي أنك متمسك به ؟ السني أم الشيعي ؟ المالكي أم الحنبلي ؟ لم يبقى اسلام اليوم الا الاسلام الوهابي شئت أم أبيت و حتى شعبك التونسي يتوهبن يوما بعد يوم و انت فخور بذلك لانها مظاهرة صامتة ضد الحاكم ، و هذا كان رأي منصف المرزوقي أيضا و لذلك خاب ضني فيه، لأن امر أخطر بكثير من احتجاج صامت ضد نظام حكم، انه تغير مجتمع باسره و سيره نحو مرحلة أشبه بمرحلة غزو بني هلال و ابادة سيدي محرز للشيعة

هل ثمّة كلمة واحدة عن المعتزلة أو القرآنيين ؟ حتى لا أقول نقاشا متمدنا و حوارا مع اللادينيين أو الملحدين ؟ من أين يأتي الإعتدال إذا ؟

و النتيجة ؟

نحن نفخر اليوم به و نوقد له الشموع و نعتبره سلطان المدينة

تاريخ دموي مظلم و جهل مدقع و غسيل مخ يقوم به دعاة و أئمة الجوامع و قد جائتهم الفرصة في الزيتونة أف أم ليعوضوا ما فاتهم من عز و أكل وز و سيطرة على عقول البسطاء مثل غيرهم في المشرق، و الآخر سعيد مع سائق التاكسي بذلك و لا أحد يرى لأبعد من قدميه و لأبعد من حومة المطاوة في با ب الخضراء

10 تعليقات:

في 2:50 م , Anonymous غير معرف يقول...

tfou alik ya kafer.

 
في 3:04 م , Anonymous غير معرف يقول...

ع السلامة
عندي مدة نقرالك اش قاعد تكتب (او بالاحرى اش قاعد تخلوض) و بصراحة قلبي معبي عليك
يا خويا كي انتي خشين ياسر و لاعب فيها طز حكمة سيب دين والدينا.و اش يهمك في جد بونا نعبدو ربي و لا نعبدو حتى الحجر.اشبيك عبدتنا و المعبود ربي.
اهوكة عندك العلم متاعك سد بيه
بربي يا سي القوي العلم متاعك ينجمشي يفسرلي كلمة "spirituallité

 
في 3:23 م , Blogger عماد حبيب يقول...

غير معرّف

عسلامة،

بربي جيتكش قلت لك يعيش خويا ايجا اقرى مدونتي و الا براس العزوزة سيب عليك من السبيريتيوليتي متاعك و هيا اكفر كيفي ؟

لا ، موش هكّا

اماله فاش قام سيب جد والدين بونا، و طز حكمة و بقية التعليق الي ماعندوش حتى قيمة، على خاطره خارج الموضوع أولا و عبارة على واحد جاي يسب يفرغ في قلبه كيما تقول انت على خاطره ما فهمش أو فهم و ما يقدرش يرد

لا عندك لا منطق لا رد علمي أو فكري ، و لا حتى رد من نوع عن فرطاس ابن خنفاس ان صلعم قال سيأتي عماد بعدي و يسب الاسلام ثم اجهش بالبكاء و في رواية أخرى أغمي عليه

العلم الي سيادتك تتمنيك عليه هو الي حط قدماك جهاز حاسوب مربوط بشبكة انترنت باش سيادتك تقرى و تكتب و تعبر على رايك

بربي يا سي المؤمن برشة المرة الجاية كيف تمرض ادعي ربي يبريك و ما تعفسش السبيطار ولا تلفن للطبيب، على خاطر الطب و التلفون رجس من عمل العلم

و زيد سيدكم صلعم قال لكم الحبة السوداء فيها دواء لكل شيئ

سبحانه ما عظم شانو ،

و الله موش تستاهلو اسرائيل تعفس عليكم برك، زايد و بره

قال له العلم حكاية فارغة و ما ينجمش يفسر الغيبيات و الروحانيات، لا يل سيد يفسر أكثر ملي تتخيل انت، اما انت ما تعرفش و بره، و هذا موش عيب، العيب الي مسكرين له وذنيه و عينيه باش ما يفيقش و ما يعرفش

فيقوا يرحمكم الله

اما الدنيا كلبة، على خاطر ناكلو الغلة و نسبو الملة و العلم عنا ولا حكايته فارغة على خاطره يوريكم حقيقة معتقداتكم : سخيفة و مضحكة و حقيقة مشاعركم : عقد نقص و قلة أدب و تربية

كيف كنا اسياد المتوسط ما كناش موحدين جملة، وثنيين نؤمنو بعدة آلهة و مع ذلك كان ثمة مجلس شيوخ و مداولات و حكم جماعي، الغيبيات متاعك خلاتنا 1500 سنة مسكرين البراني يجي و يحكم و يحلب و يسب جد والدين جدودنا من فوق

و أنا يا سيد ما نحبش يجي نهار على خاطر عباد مخاخهم على قدها كيفك ما يملكوش شجاعة حتى أنهم يكتبوا باسهم و يحاورو يجني سيدي حسن نصر الله و لا ابن لادن خليفة للمسلمين في بلاد إفريقية

هاذاكا علاش تقول تفوه عليك، تقول سيب والدينا ، تطلع للسماء و تهبط، حتى حد ماهو باش يمنعني لا أنا لا غيري باش نقراو و نفكرو و نكتبوا و نعبرو بحرية و نغيرو راينا الي هو موش مقدس على أي حال موش كيف رايك انت و الي كيفك حتى كان كلامي ما عجبكش ... على الأقل أنا لا نتكلم باسم حد و لا ندعوا لقتل حد و لا نقول لحد تفوه عليك بصفة غير معرفة

توه ماك فرعذغت قلبك ؟

عاود اقرى النص و حاول تفهم اش نحب نقول فيه

ولا بره لموقع آخر فيه كلام يعجبك ربي معاك

تشاو

 
في 5:03 م , Blogger Bel Malwene يقول...

و الله يا عماد ... برغم الي أنا متفق معاك في برشا حكايات تقول فيهم ... أمّا حبيت نقلك الّي هاذي راهو مش طريقة كانك تحب توصل معلومة ... راك تستعمل في لوغة خشبية كيما فالجارايد التونسية, أساسها السّب والثّلب و التجريح ... يا سيدي كيف عندك فكرة و تحب توصلها, حاول تمدها بطريقة متحضرة أكثر شوية و مش تشوطها في وجوه العباد كي البونية ... راهو عيب ما يليقش بواحد متثقف كيفك.

 
في 5:11 م , Blogger عماد حبيب يقول...

يا تلفزة بلألوان

موش انت الي قبت هايشة عند فسيفساء و لا واحد منتحل شخصيتك ؟

شكون زعمة الي يسب أنا ولا انت

هات لي جملة واحدة ثلب و الا تحريح

جملة واحده و توه نعتذر

تعتذرش انت على كلمة هاشية زعمة

و الا الآخر ينشرش تعليقي ؟

زايد و بره

 
في 6:07 م , Blogger Bel Malwene يقول...

يا سي عماد الثلب عندك, مش من اليوم, أما عندو مدة, و نعطيك على سبيل الذكر لا الحصر تدونتك متاع "إلى قاسم الكلب ...و زينب" و مانيش هوني باش ندافع على قاسم و لا على غيرو, خاطر موقفي منّو واضح ياسر,يهز و ينفض وحدو (وهذا زادة من حقو بسم حرية الرئي, أما كان يعمل مدونة على روحو و يخطانا) ما نجمش حتى نقرالو, أمّا فقط للمثال عن الثلب, و ما تقوليش هاذي حكاية خاصة و من يامات "تونزين" خاطرك تزيد تغرق فالكنتراديكسيون أكثر و أكثر, قالو أنا ما نجبد حد و ما نسب حد ... و كلمة هايشة, نعتذرلك عليها كاني وجعتك ... أما نقلك إلّي راهو كلمة خوانجي وإلاّ جاهل وإلاّ سفّاح ... و هات من هاك الاّوي راهم ينجمو يوجعو أكثر.
و نقولك هاذا رغم الّي أنا موافقك في برشة كلام(أنا مالمنادين بلايكيةالدولة مثلا و موقفي مالدين وعلاقتوا بالسياسة و المعتقدات المؤولة الرجعية و إذاعة الطبالة متاع تبيض الأموال, واضحة وضوح الشمس) أمّا الطريقة يا عماد هيّا الّي ما تعجبش العباد الّي أنتي تحب تقنعهم بفكرتك ... نشاله تكون فهمت قصدي ... أخطاك من الخزران للعباد من فوق حتى ولو كنت تفوتهم علم و معرفة و حاول بليتو تحكي معهم بلغتهم بلغة تشدهم و من بعد كي تتمكن, تنجم تهزّالنيفو كيما تحب.

 
في 6:32 م , Blogger baz2x1 يقول...

Imed je suis un fidèle lecteur et j'aime bien ton style. Ce que tu dit est toujours une provocation pour ceux qui ne veulent pas changer des choses sur lesquelles ils ont bâtis leurs personnalité et qui font partie de leurs existence. Ils y croient dur comme fer car si il se trouve que ces croyances sont infondés ils se sentiront perdus. Cette peur de se sentir perdu les poussent à défendre leurs croyances. peut importe ces croyances car en les défendant ils défendent leurs personne. Dire à ces personnes que Sidi mehrez n'était pas un saint c'est comme dire à quelqu'un que "t'es adopté et tes parents ne sont pas ceux que tu crois" Tu lui emmène un test ADN comme preuve.cette personne a passé toute sa vie à croire que ses parents étaient les vrais. Pour lui la vérité que t'a emmené va bousiller sa vie. peu importe le test ADN il cherchera toujours à nier ce que tu lui annoncé. Là il ne défendra pas ses parents mais sa vie.

J'espère que j'ai pas été trop bavard. Je veux juste te dire qu'on a besoin de gent comme toi meme si ça choque certain et qu'il te rendent bien . Merci d'exister sur cette blogsphère.

 
في 6:36 م , Blogger عماد حبيب يقول...

يا ولدي قاسم نفسه ما قال شيئ لأنه يفهم آش نقصد

لقرا بربي اقرا

قاسم الكلب ماهوش قاسم متاعنل و ماهوش قاسم السلطان ، الكلهم شخصيات أدبية من تأليف قاسم و هو نفسه رد و ما اعتبروش تجريح

اما اخوانجي فهي تقرير واقع ـ كيما سفاح ـ بربي واحد قضى على الشيعة و قتلهم الكل ، مع أني موش شيعي ـ اما أش تحب تسميه


شوف يا صاحبي ، في هادي ما جبتش فيها

و راسك من فوق ما نحقر حد و نرد عالناس الكل و ما نمنع حتى تعليق الا للمجهول الي يسب في غيري ، اما انا هاك تشوف ، ننشر على بعضه

 
في 6:41 م , Blogger عماد حبيب يقول...

àbaz2x1
j'ai beaucoup aimé l'exemple de test ADN, merci pour ton passage et ton commantaire, je suis réellement content et j'ai de l'espoir quand je trouve un commentaire comme le tien

encore merci et au plaisir de te lire

 
في 9:04 م , Anonymous غير معرف يقول...

Par hasrad mekh thess fi rouhek khrif fih en fin de compte??
A chaque fois, tu veux te mettre en exergue sois disant anti islam...et je ne sais quoi...Mais crois moi et sois sûr tu finiras "Jiffa"...

 

إرسال تعليق

الاشتراك في تعليقات الرسالة [Atom]

<< الصفحة الرئيسية