2008-02-21

إلى السيد فسيفساء المحترم...جدا


تركت هذا التعليق على موضوع يخصني في مدونة فسيفساء و كالعادة لم يتم نشره، رغم أن تعليقات أخرى نشرت بعده، ربما لأن الأخلاق الاسلامية التي يتبجح بها البعض تمنعهم من اعطاء الآخر حق الرد، و هذا ليس مستغربا على من لا يعطيك حتى حق الوجود و ليس الرد، في حين سمحت نفس الأخلاق بايراد ردود من نوع ابعثوا و ثلاث نقاط و هايشة و ما إلى ذلك ، مما يؤكد ما كتبته مرارا من أن ظاهرة الفم الأبخر ظاهرة اسلامية اساسا يتميز بها محدودوا الفكر من المتدينين


بل ان أحدهم افتخر بقلة أدبهم مع من هو مثلي في اعتراف بعجز عن الحوار و الرد

و كلما زادت الفكرة هشاشة زاد ارهاب اصحابها في الدفاع عنها

المهم ، هذا ردي سانشره هنا لا بحثا عن معارك كيخوتية بل لأن ذلك من حقي :



شوف يا فسيفساء و مانيش باش نقول لك متاع و نحط نقاط

أنا رغم الي تربيتي ميش اسلامية كيفك ما نسب حد و ما نحقر حد هذا أولا و ثانيا قاعد نكتب موش عارف تعليقي باش تنشره و الّا لا كيما عملت لي قبل و من وقتها ما عادش نعلق عندك، رغم الي ما نتذكرش في تعليقي سبيتك

موش هذا موضوعنا

مادامك تكتب كلام منشور متاح للجميع يلزمك تتقبل النقد ، و أنا لا سبيتك لا شريتل لك عركة لا انت لا غيرك

و لا حقرت التاكسيست و لا عايلتي عندها فلوس، خوك ولد الملاسين و ولد ابن شرف و كلية العلوم بتونس، آه سامحني انا كافر ما نجيش خوك، موش مشكل، صّدق أو لا تصدّق راني جاي من أوطى وسط شعبي ممكن تتخيلو و قاري في مكاتب و كليات تونس و متخرج منها و ما عطاني حد فرنك لا عايلتي و لا الحاكم باش بعثني للخارج

سيب عليك يا راجل

الززاااح اتعلمو مرة ما تجبدوش الاشخاص و الامور الشخصية و ناقشاو فكره

انا نحقر التاكسيست ؟؟؟ تي ان اساسا نجار ، تورنور كنت نعدي الصيف نخدم ، و كيف كنت في عمرك و لو انا ما نعرش قداش عمرك كنت نمشي للجامع و نصلي و الي يموت لليوم نقول الله اكبر و الله يرحمو و يرحمنا

اما هاذي راهي معتقدات، قعدت في حدودها الشخصية كان بها، خرجت للحياة العامة و ولى عندها الأثر المدمر الي يخلي واحد كيفك انت تصّنف في الناس من سي عماد متاع و ثلاثة نقاط للملاهط المتقفة للقاي للفساد و هزان الساقين، اليوم جمعة دعاء و تربيتك الاسلامية و انت قاعد تسب في الناس الكل و كان ما فقتش على روحك هاني نقول لك فيق

أنا ما اتهمت حد لا بالجهل و لا بالتخلف ، أن نتكلم على نظم فكر، عقل نقلي ما يعرف كان شقال ربي شقال الني بي، و نتحدى واحد فيكم يكون اقرب للني بي متاعكم منّي شخصيا، موش على خاطر أنا من أحفاده مباشرة اما على خالطر ما قريتش في حياته و درست واعجبت بحد كيفو، ايه يعجبني في عبقريتو و في تغييره لواقع كان قايم في وقتو

اما اليوم فات 1500 سنة، ولا ديباسي تقول انت بالعربي، خل نحكي بالدارجة حتى أنا ميسالش، بالكش تتصوروني عميل صهيوني ولا ماريكاني يدفعوا لي في الفلوس باش نشوه الاسلام

تي هو الاسلام ناقص تشويه أكثر ملي تعملو فيه؟

دين منقل حرفيا عالتلمود و المدراشا و عادات اليهود المزمّرة الكل ولاّت تشريعات ، ما عاد حد يقول بيها، قاعدين نقريوها لصغارنا و من بعد نقولو التبلصيم و البهامة العربي و الارهاب جايين منين ؟

لا يا سيد، من حقي أن أدعوا لتغيير الفصل الأول من الدستور و الغاء الدين الرسمي للدولة لأن الدولة للجميع و لا دين لها و من حقي أن انادي بالغاء تدريس البخاري و خرافاته التي تسبب التخلف الذهني لأطفالنا

و من حقي و قد أكون مخطئا

أن أرى أن زيادة جرعة التدين تعني زيادة جرعة التخلف لأن الاسلام في نصوصه المؤسسة هو المشكلة و التاريخ و الواقع شاهد على ذلك

و كما قلت لمعّلق مجهول عندي قال لي تفوه عليك يا كافر و آخر قال لي سيب جد والدينا أقول لك يا سيدي و بكل احترام و لاجظ أني لم أسبك و لم أهنك انما انتقدت أفكارا، اقول لك : لن يمنعني أحد أن أقرأ و أفكر و أعبر بكل حرية و أن انتقد الله نفسه و صلعم و صحابته و شيوخ و فقهاء الإرهاب و التابعين لهم باحسان الى يوم الدين

و كان التوانسة الكل ، و هاذي كذبة خاطر ثمة توانسة يهود و توانسة مسيحييين ، أما عندك انت موش مشكل كيف سيدك محرز ماذابيك ما يقعد فيها كان المسلمين السنة، موش مشكل، التوانسة الكل الي انت زاده كيف قاسم تتكلم باسمهم يرحموا عالميت و يصليو عليه ، و يتفركرو ربي في الموت ، فهذا موش دليل أنهم صحاح أو على صواب أو عنده علاقة بموضوع الي انا حكيت عليه : زيادة المد السلفي الوهابي و أكرر الوهابي المدمر لإذاعة الزيتونة

بربي حكاوش فيها مرة عالمعتزلة ؟ على القرآنيين ؟ على ابن رشد ؟

لا ؟

اماله كيفها كيف اقرا و المجد و المنار ،

ملحوظة : لاحظ أنا ردددت عليك في صلب موضعك و لم أخرج عن آداب الحوار

تحياتي

حتى كان تقول خليهم عندك ميسالش

:)

تشاو بوها

17 تعليقات:

في 5:15 م , Blogger Legend Of The Fall يقول...

يا ريتهم يا سي عماد يفهموا آش معناها تنتقد فكر عبد مش تهتم لأمورو الشخصية و تسبوا و تسبلوا عايلتو اختو و امو...الله غالب...آش تحبنا نعملوا؟ مااااااازلنا متخلفين و من بعد انقولوا آعلاش أمريكا و اليهود عافسين فينا؟ بربي، مش عندهم حق؟

 
في 5:24 م , Blogger عماد حبيب يقول...

صحيح للأسف ساعات تقول ما زال علينا بكري برشه

لا و ما فماش حد رد على فكرة و الا جاب جملة أنا سبيته فيها أو أهنته ؟

شكرا لمرورك

 
في 6:44 م , Anonymous Mahéva يقول...

يا عماد راهو ما فهمكش آش تحكي هاذاكا علاش ما نشرش التعليق على المدونة متاعو.

 
في 7:03 م , Blogger عماد حبيب يقول...

زعمة يا ماهيفا ؟

حكيت يالشلحة انا

تي هبطت للدارجة بالذمة

ولا لازم لغة لةلاد ابن شرف من الخزام اللوطة باش يفهم ؟ ما اسهلش منها و الله

و كان ممكن يطلب توضيح

ولا تصدم اتصورني ولد المنزه ولا ميتيال فيل و الا من جماعة سي الطيب حعبة

 
في 7:16 م , Anonymous p.a يقول...

chbihoum wled el menzah wou mutuelle ville?

 
في 7:31 م , Blogger عماد حبيب يقول...

بره عاد كل كلمة فيها حصيلة

ما بيهم شيئ يا بي أ و ما قلت شيئ

أما طبقة أخرى ما عندهاش علاقة بالملاسين و حي هلال و قرّيش و السمران و الجبل الاحمر الي انا جاي منها ، لا أكثر و لا اقل

فقط بالعربي

ة انا آخر واحد يحكم عالعباد من خلال أصلهم الجهوي أو الاجتماعي

في كل بقعة ثمة الباهي و الخايب

واضح ؟

 
في 8:42 م , Anonymous AMINE يقول...

désolé si imed le clavier mte3i ma fihech 3arbi, 7abbit nekteblek bel 3arbu.
juste 7abbit n9ollek 7aja, , ena n3addi n'har kemel ne5dem ou kraymi mkassra, ma netfarhed ken ki na9ra el blog mte3ed, ina77ili 5amja min 9albi.
bon dommage n3awed nal9aha min ghodwa el 5amja, ama ahaika tfarhida. ma sab jè famma minnek barcha ya rajel

 
في 9:37 م , Anonymous p.a يقول...

واضح ؟

"ولا تصدم اتصورني ولد المنزه ولا ميتيال"
7abbit na3ref chnouwa elli ynajjhem y5alli "x" yetsawrek mel menzah wella mutu wechnoua elli ynajjem "yosdom ki mè tkounech menhom surtout que je ne vois rien ds le texte qui parle de "taba9et" ...wou clichiyet

 
في 9:23 ص , Blogger عماد حبيب يقول...

@P.A

يعطيك الصحة هاك قلتها عمري ما حكيت بطبقات و كليشيات ،


أنا كنت نرد على ايكس الي اتهمني و لو هي موش تهمة أن عايلتي عندها فلوس و بعثتني للخارج و منها تنفخت عالناس البسطاء كيما سماهم هو


و أكيد و نكرر ما قصدتش حتى معنى سلبي ضد أحياء و مدن معينة لأني نورمالمون موش تافه لهاك الدرجة،


كان رد في نطاق رد و هزان و نفضان و

بره

:)

 
في 9:29 ص , Blogger عماد حبيب يقول...

@amine



شكرا جزيلا


ثمة مني و من غيري برشه

و ثمة أحسن مني برشه

و ثمه أغلبية صامتة كل حد ولا يتكلم باسمها

:)

 
في 7:32 م , Anonymous trainspotting يقول...

Merci pour cette mise au point , tu as évoqué ce que j'aimerai évoquer moi même. Bonne continuation

 
في 12:16 ص , Anonymous boulet يقول...

Je n'ai pas particulièrement suivi le débat entre les deux blogs mais à lire cette réflexion, j'avais quelques questions à poser en espérant que vous tu auras le temps d'y répondre...
1. Tu réclames le droit à un état laïque en présentant l'argument , ma foie raisonbale, de notre droit à tous d'être tunisiens (indépendament donc de nos convictions religieuses). Mais ne pense tu pas que sur les cas célèbres des pays laïques (je citerais la France au vue de ton profil), ne pense donc tu pas que cet état a mené à une montée de xénophobisme, de racisme et de refus de ce qui est différent? Alors que dans d'autres pays (de l'autre côté de la manche par exemple), la déclaration de la religion de l'état dans sa constitution, permet aux minorités de mieux se "défendre" et de partiquer librement leurs convictions (religieuses ou pas d'ailleurs...). Je cite ces deux pays en particuliers parce que j'ai eu l'occasion d'y vivre assez longtemps pour penser aujourd'hui que la laïcité du pays n'est pas forcément LA solution pour plus de liberté et surtout pour préserver le droit d'etre différent...
2. Et cette réflexion me mène à ma deuxième question et tu me corrigeras si je me trompe mais certaines réflexions dans tes écrits (de qualité, soit dit en passant),font l'amalgame entre la religion musulmane et les pratiques "courantes"? Parce que mine de rien, certaines des "pratiques" que tu cites ne viennent pas de la religion elle même mais de dérives de certaines personnes / idéologies... Je persiste d'ailleurs à penser que l'identité tunisienne (qui a tendance, hélas, à s'estomper) ne sera pas mieux sans religion. Mettre tout le mal d'un pays sur le dos d'une religion me parait en outre un raccourci assez simplet.

Désolé de ne pas avoir répondu en arabe, j'aurais probablement été (plus?) incompréhensible...

 
في 7:07 م , Blogger عماد حبيب يقول...

@boulet

et de 1 je l'excuse pour ce retard, week-end exige

:))

et de 2 l'autre coté de manche est un royaume dont leroi (la reine) est aussi le chef de l'église, et c'est li pire exemple que tu peux citer, d'ailleurs l'exemple d'intègration des minorités au royaume uni est le meilleur exemple

oui il y a une certiane montée du racisme ici, un basculement vers la droite, voir l'extrème droite, mais ce n'est certainement pas du à la laicité de l'état mais au retour de l'rdre moral voir la mise en cause de la laicité, et je pèse mes mots,

et de 3

chacun dit que sa pratique est le vrai islam, alors il est ou le vrai islam ?

moi je critique des textes "sacrés"

une idéologie

un retour à l'intègrisme, au salafisme, à la violence, plusieurs facettes d'une même réalité

et de 4, je comprends aussi ben en arabe qu'en français ou anglais ou italien, voir espaniol, enfin, normalement

 
في 7:08 م , Blogger عماد حبيب يقول...

@trainspotting

merci à toi aussi,

:)

 
في 12:05 ص , Anonymous غير معرف يقول...

Imed
J'ai commencé a te lite depuis peu , merci pour ton blogue . Je viens de lire en entier la critique de l'Islam ( par Dr Najjar), j'étais sûr que le coran serait très facile a démolir du point de vue preuve, mais je ne connaissais pas l'existence de tels travaux... J'avais essayé de trouver quelques preuves moi même pendant les vacances , j'ai découvert l'histoire de la terre plate, mais j'ai très vite arrêté la lecture car je sentais un certain malaise en lisant le coran. La raison de ca est que c'est une èspece de courrier haineux avec beaucoup de menaces , d'intimidation . En tous mtn la question est réglée, grace a toi.

 
في 12:26 ص , Blogger Hmayed يقول...

la classe Imed , t'es un As,meme si j'ai quelque commentaire sur ce que t'a dit ou plutot idée, c'est pas ca l'important, l'important est de savoir communiquet tu donne un expemple a mediter a tous ceux qui pensent le matriser et apprenent un peu ce qu'ona appelle un dialogue entre personnes civilisés

 
في 6:57 ص , Anonymous bassim يقول...

يا عم عماد
هو ده عربي ولا ايه؟؟؟؟؟
مش فاهم ولا كلمة

 

إرسال تعليق

الاشتراك في تعليقات الرسالة [Atom]

<< الصفحة الرئيسية